عارف لما تكون بعيد عن ربنا و خايف من عقابه
عارف لما تقع فى مشكلة و متعرفش تحلها و تقول ده اكيد عقاب من ربنا
ده مش عقاب يا اهبل ده ربنا بيحبك و بيقولك انا لسة موجود و شايلك الاحسن
بيقولك انت ناسينى بس انا عمرى ما نسيتك
عارف لما ربنا يحطلك اختبارات كتير و يشوفك هتعمل فيها ايه ؟
عارف لما تفقد صاحب او حبيب او تفشل فى حاجة كنت بتحبها اوى
ده مش عقاب من ربنا لا ده اختبار ادهولك علشان تتعلم منه درس
اوعى تفتكر انه الوقت خلاص فاتك و ان ربنا مش هيقبل توبتك و رجوعك ليه
لا ده هو مستنيه تقوله يا رب
تنادى عليه و تستغفره
تتكلم معاه و تحكيله اللى تاعيك
ايوة هو عارف اللى تاعبك اكيد بس لما تحكى له لها طعم تانى
لما تحكيله انت بترتاح
اصل هو الوحيد اللى عمره ما هيفضح سرك
هو السميع البصير
و هو الغفور
هو اللى لما بتعيط قدامه بترتاح
هو اللى لما تسجد له بتنادى عليه و بيسمعك
الوقت عمره ما بيفوت لاى حاجة
ابدأ من دلوقتى اتغير
جرب تقرب له صدقنى هتحس براحة كبيرة
انا كنت بعيدة عنه بس صدقونى القرب منه له طعم تانى بتحس اد ايه انت مرتاح
بتحس انه مسخرلك كل حاجة
بيبعد عنك الاذى و بيقرب منك الخير
و ربنا يهدينا جميعا
No comments:
Post a Comment